en vervolgens "zet op beginscherm"
Tokante Ayudo pa Mucha i Hóben 918
Ayudo pa Mucha i Hóben 918 ta pa tur mucha, hóbennan i adolesente na Kòrsou te ku 25 aña di edat. Bo tin un pregunta òf problema? Bo ke mas informashon òf konseho tokante bo situashon? Nos t’ei si bo tin mester di nos. Sin prehuisio i anónimo. Tuma kontakto ku nos gratuitamente via di e chat, e foro òf yama 918.
Chat
Tin bia ta mas plasentero pa teip algu na lugà di bis’ é na bos haltu. P’esei bo por chat ku nos tambe, meskos ku bo ta hasi esei tin bia ku amigunan via WhatsApp
Via telefòn
Bo ta haña ta mas kómodo pa papia ku un adulto via telefòn? Bo por yama grátis ku 918
Foro
E lugá pa papia ku kompañeronan di edat. Hasi un pregunta, reakshoná riba mensahenan òf gewoon tira un bista
Nos boluntarionan entrená tin kontakto diario ku mucha i hóbennan na Kòrsou.
Nan por skucha bo bon, ta pensa gustosamente ku bo i ta duna konseho i informashon ora tin nesesidat pa esei. E boluntarionan ta imparsial i lo no husga bo situashon. Semper bo ta tuma kontakto ku nos di un forma anónimo i grátis i ta duna bo nòmber solamente si bo mes ke esei. Un kòmbersashon ku un di nos boluntarionan semper ta konfidensial.
Ayudo pa Mucha i Hóben 918 ta disponibel di djaluna te ku djabièrnè di 10.00 or pa 18.00 or i djasabra di 12.00 or pa 18.00 or.