×
Installeer de website op jouw iPhone: klik en vervolgens "zet op beginscherm"

Foro

Un foro ta un plataforma online kaminda bo por papia ku mucha i hóbennan di mesun edat riba tur tópiko na  forma anónimo. Bo por hasi un pregunta, kompartí un eksperensia òf reakshoná riba otronan online. Bo por papia tokante kiko ku ta. Kisas bo pregunta i kontesta ya ta pará aden kaba.

Ehèmpel di tópikonan riba e foro por ta: tentamentu, situashon na kas, emoshonnan, miembronan di famia, sèn, separashon/divorsio, relashon i salubridat.

Bo tin un pregunta òf eksperensia tokante un otro situashon? No ta problema, bo por kompartí esei gewon! Riba e foro bo por papia tokante kiko ku ta.

 

Kiko ta un tópiko?
Un tópiko ta un asuntu òf pregunta ku bo ta prepará den e foro.

 

Kon mi ta prepará un tópiko?
1. Klik riba un di e kategorianan dje foro(por ehèmpel skol, violensia, otro/diferente)kaminda bo ke traha un tópiko.
2. Klik ariba na man drechi riba ‘New topic’. Awor bo por traha un tópiko i butele.

Bo tópiko no ta wòrdu poné direktamente riba e foro i lo wòrdu evaluá i aprobá promé dor di un di nos boluntarionan.  No ta wak e kontenido di bo pregunta, pasobra bo mag puntra òf kompartí tur kos. Pero ta kontrolá si niun regla di kas ta wòrdu violá.

 

Kon mi ta reakshoná riba un tópiko?
Klik riba e tópiko ku bo ke reakshoná riba dje. Klik ariba na man drechi riba ‘reply’. Awor bo por pone bo reakshon.

 

Bo pregunta no ta aden? Tuma kontakto ku nos e ora ei via e 918@kinderbeschermingcuracao.org.

 

Reglanan di kas di foro
Pa sòru ku tur hende komportá nan mes nèchi riba e foro nos a prepará un kantidat di reglanan di kas. Promé ku bo tópiko wòrdu poné riba e foro, esaki lo wòrdu kontrolá dor di un moderadó (un di nos boluntarionan).

  • Si bo a traha un kuenta, bo ta bai di akuerdo ku e reglanan di kas di nos foro.
  • Riba e foro nos ta trata otro di forma respetuoso.
  • No ta pèrmití pa ofendé, provoká, ataká un hende òf pa usa palabranan malu. Sea semper amabel, nos ta aki pa yuda otro.
  • Pa protehá bo privasidat, no mag kompartí datonan personal manera bo nòmber, direkshon òf number di telefòn riba e foro.
  • Sòru pa bo mensahenan ta kla i legibel. Trata di evitá uso innesesario di demasiado lèter kapital i signo di sklamashon.
  • No ta pèrmití pa pasa pa un boluntario òf kolaboradó di Stichting Kinderbescherming Curaçao.
  • No ta pèrmití niun forma di diskriminashon.
  • Bo no por hasi propaganda pa produkto òf servisio.
  • No por kompartí portrèt.

Si ta violá un di e reglanan di kas, e moderadó tin e derechi pa desaprobá bo tópiko òf pa eliminá bo reakshon riba un tópiko. Si un kuenta ta violá e reglanan di kas mas bia, nos lo blòkia bo kuenta.