×
Installeer de website op jouw iPhone: klik en vervolgens "zet op beginscherm"

Cookies & Deklarashon di privasidat

Den e deklarashon di privasidat i cookie aki Stichting Kinderbescherming Curaçao (despues di esaki: nos) ta indiká, kon ta prosesá datonan via www.918.cw.

Cookies

Un cookie ta un fail di informashon ku ta wòrdu di seif riba bo kòmpiuter, smartphone òf tablet serka e promé bishita na e wèpsait. E ponementu di un cookie ta nesesario pa laga un wèpsait funshoná bon i pa mehorá bo fasilidat di uso riba e sait.

Eliminashon di cookies

Bo por kita òf eliminá cookies simpel i lihé. Kon bo mester hasi esaki ta diferensiá pa kada browser.

Konsultá e funshon di ayudo di bo browser pa haña sa kon bo mester hasi esaki.

Datonan personal

Pa e foro, ku ta un plataforma públiko, ta prohibí pa usa bo propio datonan personal. Nos ta stimulá pues pa inventá un nòmber di usuario. Nos ta hasi esaki pa protekshon di bo datonan personal. 

Durante chat i yamada di telefòn ku un di nos boluntarionan bo por usa bo propio datonan personal, pero esei no ta obligatorio. Si bo duna bo datonan personal, manera bo nòmber i number di telefòn, esaki ta wòrdu inkorporá den un registro interno di Stichting Kinderbescherming Curaçao. No ta kompartí esaki ku tersera partidonan a ménos ku ta trata di un obligashon legal.

Nos ta prosesá solamente datonan ku bo mes duna nos. Manera datonan personal ku a yena den un formulario di kontakto, formulario di inskripshon òf ku a wòrdu mandá durante un chat òf yamada di telefòn.

Siguridat

Ta hasi updatenan di siguridat regularmente pa protehá e siguridat di e wèpsait i e datonan personal korespondiente. Banda di esei ta apliká siguridat èkstra kontra di atakenan di hackmentu riba e wèpsait.