×
Installeer de website op jouw iPhone: klik en vervolgens "zet op beginscherm"

Bira boluntario!

Bo ke duna forsa na un fundashon kaminda protekshon di e derechonan di mucha ta pará sentral?  Stichting Kinderbescherming Curaçao ta kontinuamente buskando boluntario pa 918 i festividatnan eksterno (kolekshonnan òf eventonan). Ku bo sosten komo boluntario, bo ta kontribuí na nos meta pa señalá i guia, den un fase tempran, e problema di òf rònt di muchanan den situashonnan di formashon riesgá i menasante. E no ta solamente un trabou ku tin sentido, pero tambe bo ta kontribuí aktivamente na mehorashon di e komunidat.

Pa prepará nos boluntarionan mas mihó posibel pa nan trabounan na Ayudo pa Mucha I Hóben, nos ta ofresé un kurso di seis siman ku varios módulo. Pa e kurso nos ta apliká un deber di presensia di 100%.

 

Bo ke reforsá nos tim komo boluntario of bo ke risibí mas informashon tokante di esaki? E ora ei tuma kontakto via info@kinderbeschermingcuracao.org.